मीन प्रकाश उप्रेती, दक्षिण कोरिया । चर्चित हास्यकलाकार तोक्मे बुढा(विल्सन बिक्रम राई) लाई कोरियावासी नेपालीहरूले अभिनन्दन गरेका छन् । सोमबार झापा मिलन समाज कोरियाले सोउलको ओम रेष्टुरेण्टमा आयोजना गरिएको एक कार्यक्रममा उनलाई अभिन्दन गरिएको हो।
नेपाल कोरिया व्यापार सङ्घले आयोजना गरेको सांस्कृतिक कार्यक्रमका लागि कोरिया आई पुगेका राईलाई एन आर एन कोरियाका अध्क्षय तथा झापा मिलन समाज कोरियाका सल्लाहकार केपी सिटौला, झापा मिलन समाज कोरियाका अध्क्षय मीन प्रकाश उप्रेती, नेपाली दुतावास कोरियाका सहचारि तुलशी कोइरालालगाएत दर्जन बढी सङ्घ संस्थाहरुले दोसल्ला ओढार्इ अभिन्दन गरेका थिए ।
मैले प्रवासमा पाएको पहिलो अभिन्नदन हो, भन्दै कलाकार राईले भने ‘मलाइ आज अर्को थप प्रेरणा मिलेको छ, म मेरा पाइलाहरूलाई अझ सशक्त बनाउदै तपाइहरूलाई नयाँ कलाहरु पस्कदै जाने छु’। ‘प्रवासमा पाएको तपाइहरूको अपार माया मेरो लागि मार्ग दर्शक हुने छ ।’
अभिन्नदनपछि बोल्दै चर्चित हाँस्यकलाकार विल्सन बिक्रम राईले आफू जहाँ र जस्तोसुकै अवस्थामा रहे पनि आफ्नो जन्म स्थान झापालाई कहिल्यै पनि भुल्न नसक्ने बताए । ‘आफू राष्ट्रिय र अन्तरराष्ट्रिय क्षेत्रकै कलाकार किन नहुँ कलाकारिताको पाठ पढेको स्थान झापा आफ्नो आत्मामा रहेको छु राईको भनाई थियो । आफू जहाँ भए पनि देश र जन्म स्थानलाई नभुल्न राईले अनुरोध गरे ।
यसैगरी अभिनन्दन कार्यक्रमका वक्ताहरूले आफूहरू जहाँ भए पनि नेपाली कलालार्इ भुल्न नसक्ने बताउदै चर्चित हांस्यकलाकार राईलाई कोरियामा अभिन्दन गर्न पाउदा गौरव लागेको बताए ।
उता कार्यक्रमको उद्धेश्यबारे प्रस्ट पार्दै समाजका अध्यक्ष मीन प्रकाश उप्रेतीले भने कलाकार राष्ट्रिय गहना भएका कारण जाहाँ अनि जुन सुकै ठाउँमा भए पनि सजाएर राख्नु पर्ने बताए । अन्य देशको तुलनामा नेपालका कलाकारलाई राष्ट्रिय सम्मान कमी भएको चर्चा गर्दै कलाकारिता हाँस्ने र रमाउने मात्र नभई ज्ञानको श्रोत समेत भएको उप्रेतीको भनाई थियो ।
यसै गरी अतिथिको आसनबाट बोल्दै एन आर एन कोरियाका अध्क्षय तथा झापा मिलन समाज कोरियाका सल्लाहकार के पि सिटौलाले झापामिलन समाज दक्षिण कोरियाले गरेको कालाकार अभिन्नदन कार्यक्रमलाई धन्यवाद ज्ञापन गर्दै यस कार्यक्रमलाई प्रवाशमा रहेका अन्य सङ्घ संस्थाहरुले शिक्षाको रूपमा लिनु पर्ने बताए । देशका जुन सुकै कुनाका कलाकार किन नहुन यी हाम्रा सम्पतिहुन सिटौलाको भनाई थियो ।
उता अतिथिकै आशनबाट बोल्दै नेपाली दूतावास कोरियाका प्रतिनिधि सहचारि तुलशि कोइरालाले अभिनयको माध्याम बाट जनमानशमा सन्तुष्ति दिनु समान्य कुरा नभएको बताउदै आफू यस्ताकुराको सधैँ सम्मान गर्न बताए ।
झापामिलन समाज दक्षिण कोरियाका अध्यक्ष मीनप्रकाश उप्रेतीको अध्यक्षतामा सम्पन्न भएको कार्यक्रमको सञ्चालन समाजका सदस्य राजु सन्तोषि थापालेगरेका थिए भने स्वागत मन्तव्य समाजका सदस्य यामेश केदेम लिम्बुले गरेका थिए ।
नेपाली रुपैयाँ विनिमय