जर्मनीमा एउटा पनि भुस्याहा कुकुर देखेको छैन मैले, तर महिला (कही कतै पुरुष पनि) हरु कुकुर र बिरालो मान्छेलाईभन्दा बढ़ी माया गरेर घरभित्र पाल्ने गर्दछन् । यस्तै कसैले डोर्याएर ल्याएको कुकुरले यो दिसा गरेको हुनुपर्दछ ।
म त नियमित 'S6' (रेलगाड़ी नम्बर) को प्यासेन्जर । गाड़ी १३ नम्बरमा रोकिन्छ, आज पनि यात्रा थियो ओभरकास्सेल(ठाउंको नाम) सम्मको । 'एस जेक्स' (सिक्स) बाट ओर्लेर U-Bahn (जमिन तल तल गुड्ने रेल) चढनुपर्ने ।
DB का कर्मचारीहरू त्यही दिशा प्यासेन्जरको खुट्टामा लाग्ला कि भनेर जोगाउन खटिएका रहेछन त्यहाँ । मैले सोचे 'कति नागरिकप्रति जिम्मेवार सरकार, दिसा नागरिकहरुको जुत्तामा लाग्छ भनेर ३ जनालाई ड्यूटीमा खटाउने..!'
मेरो देशका कर्मचारी भए दिसा देखी मुख छोपेर घिनाउदै टाढा बसेर राम हेर्थे होला - कोही पासोमा पर्छ कि भनेर । आफू Auslander (बाहिर देशको) भए पनि मनमनै डुस्सेलडोर्फ राज्यलाई आभार प्रकट गरे र कामना गरे - 'मेरो देशमा पनि यस्तो सिस्टम बनोस सकेसम्म छिटो, जहाँ नागरिक हितका लागि सरकार सधै उत्तरदायी र जिम्मेवार बनोस ।'
पछि एउटा Deutsche (जर्मन) केटीलाई सोधे मैले - 'किन यिनीहरु यसरी एउटा कुकुरको दिसाबाट नागरिकलाई जोगाउंन यत्तिका धेरै मानवीय स्रोतको परिचालन गरेका होलान् ? छिट्टै किन सफा नगरेका होलान् ?'
उनी पनि जान्ने खालकी रहिछन् र भनिन् - 'कहाँ हेर्नुस् न, यहाँ सफा गर्नेहरु कतै अरु काममा व्यस्त भएको हुनुपर्छ । उनीहरु आए मात्र सफा गर्छन l यिनीहरुसंग सफा गर्ने सामान पनि त हुन्न । आ-आफ्नो काम हुन्छ नि त ।'
मैले भने - 'मेरो देशमा त यस्तो फोहोर भयो भने प्यासेन्जर आफै जोगिएर हिडनुपर्छ .....' मेरो कुरा काट्दै उनले भनिन - 'यहाँ पनि त्यस्तो गर्न सक्छन् तर कोही त्यहाँ लड्यो र चोटपटक लाग्यो भने DB ले उपचार खर्च व्यहोर्नुपर्दछ, मतलब कुनै घटना भएमा DB नै जिम्मेवार हुनुपर्दछ ।' म फेरि सोच्न थाले ''यस्ता असल कुरा सिको गरोस मेरो देशले पनि !''
नेपाली रुपैयाँ विनिमय